Plantun de Prouvènço

Pèr coumpara dos planto d'encò nostre

Clematis alpina & Dysphania botrys

Clematis alpina

Ranunculaceae

Nom en français : Clématite des Alpes.

Descripcioun :
La redorto-dis-Aup trachis en mountagno, fin qu'à 2400 m, dins li roucas e li bos clar. Se recounèis eisadamen à si flour soulitàri bluio à vióuleto o à si fueio bèn verdo dous cop penado.

Usanço :
Aquelo redordo èi plantado dins li jardin pèr si poulido e gràndi flour vióuleto.

Port : Liano
Taio : 0,3 à 2 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Clematis
Famiho : Ranunculaceae

Ordre : Ranunculales

Coulour de la flour : Bluio
Petalo : 4
Ø (o loungour) flour : 4 à 6 cm
Flourido : Printèms - Estiéu

Sòu : Ca
Autour basso e auto : 1000 à 2400 m
Aparado : Noun
Mai à juliet

Liò : Roucas - Esboudèu - Champino - Bos clar
Estànci : Subaupen
Couroulougi : Artico-Aupenco
Ref. sc. : Clematis alpina (L.) Mill., 1768

Erbo-de-bou

Dysphania botrys

Amaranthaceae Chenopodiaceae

Àutri noum : Erbo-di-tigno, Seniscle-óudourous, Erbo-dóu-cor.

Noms en français : Ansérine botryde, Chénopode à grappes.

Descripcioun :
L'erbo-de-bou o peréu di-tigno trachis dins li limas de ribiero, lis escoumbre o lis ermas. Es uno planto que fai de pichòti flour en boulo e que se recounèis subretout qu'èi di proun pegouso (planto glandulouso) emé uno forto óudour. Pèr d'ùni empèsto (erbo-de-bou), alor que pèr d'autre l'óudour es agradivo (seniscle-óudourous).

Usanço :
La planto èi manjadisso e poudès vous n'en servi coume sabourun. D'après soun noum, devié servi contro li tigno. Cazin dins soun Traité des plantes médicinales, 1868, raporto d'ùni prouprieta, subretout contro lou tussi (espetouranto).

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Dysphania
Famiho : Amaranthaceae
Famiho classico : Chenopodiaceae

Ordre : Caryophyllales

Coulour de la flour : Verdo
Petalo : 5
Ø (o loungour) flour : 1,5 mm
Flourido : Printèms - Estiéu

Sòu : Ca
Autour basso e auto : 0 à 1400 m
Aparado : Noun
Jun à óutobre

Liò : Limas - Escoumbre e proche dis oustau - Ermas - Ribiero
Estànci : Termoumediterran à Subremediterran
Couroulougi : Éurasiatico
Ref. sc. : Dysphania botrys (L.) Mosyakin & Clemants, 2002 (= Chenopodium botrys L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Clematis alpina & Dysphania botrys

ges

Coumpara Redorto(-dis-Aup) emé uno autro planto

Coumpara Erbo-de-bou emé uno autro planto